علي الحب

 

بمناسبة مولد الولي , اهدي قصيدتي لكل من احب علي
زغيِّر جنت وكَليبي مايعرف يحب ...بس لو سمع باسمك من ضلوعي يفر
يللي بهواك تلوعت شنهو السبب ... يمكن غرامك وي حليب امي يِدُرّ
ويمكن الوالد رسم اسمك عل كبد ... وتعلقِت بأوداج كَلبه من الزغر
مجنون انه بحبك ودوم بخاطري ... ولساني يلهج بيك لو طر الفجر
تدريني مغرم مو لأن حبك فرض ... لكن خيالي بكاس اخلاقك سِكر
يامن تعيل ايتام حتى ال عادِتك ... شايل مؤونة بليل محني الظَّهَر
راكع يحيدر بالصلاة وتصدَّقت... والله بجلالة تنومس وبيك افتخر
ياخامس اهل العبا يانفس النبي ... ياطاعم ايسير وفقير اِعلى الصبر
فاز اليواليك وضمن جنة عدن ... وال مايحبك سوف تصليه سقر
ياباب رب الكون دخلك منتخي ... ياللي انت للينخاك بالشدة اتحَضِر
جاروا علينا اعراب تدري ياعلي ... وسط المدارس جانه ابن وِدّ وانتحر
رادوني ارفضك وامشي نهج اسلافهم ... رافض صحت للكال احمدنا هجر
رافض صرت للخالف اوصية النبي ... رافض شريعة غاب بعده تنتشر
لهذا السبب شيعتك تُذبح ياعلي ... فتوى اصدرت بينا يكَطعون النحر
ظنهم يصدنه الموت عنك مادروا ... نحيا ونموت لأسمك وانت الفخر
وانه وحياتك ياعلي بحبك ذبت ... وكلبي لزيارة حضرتك صاير جمر
انساك ؟ لا والله لو اموتن ذبح ... للدوم اسمك حرز شايل بالصدر
ان كان حبك ياعلي شِرك او كفر ... اعلن باني مشرك , وءالله... يامحلى الكفر
اكرام حسن