من كنت مولاه ...فهذا علي مولاه

علي وابنه وابن ابنه امامي
شيعي ومنتظر طلعت امامي
لَوَن تحضر يبو صالح يمامي
.............................وتشوف اشسوت الظلام بينه
.............................سجن وذبح بخوتنه وبينه
.............................اظهر للظلم فضحة وبينه
وارفع راية الحق العليّه
جنودك احنه ونروم العليّة
وحق رب الخلق ارضة ال عليّه
..............................ابد منعوف منهجهم لااسمهم.
..............................زغار كبار فدوة احنه لاسمهم
..............................وعداكم لصير السم واسمهم
لاجل باب العلم يبقة علينه
فتى الاسلام بيه احنه علينه
علي امامٍٍ على الانس وعلينه(وعلى الجن
..............................بفضل سيفة العرب صامت وصلت.
..............................النواصب نار حركتهم وصلت
..............................ابد ميفيد لو صامت وصلت
لان حبك علي اصل العبادة
ايه نزلت من الله لعبادة
الولي اليتصدق اثناء العبادة
..............................ورب الكون وصّاه وي نبيهه
..............................الحياة بدون حبك ما نبيهه
..............................لَوَن عدوانك فهيمه ونبيهه.
چا ماعادت البالجنة محامي

جيتك يا امامي/ فزعه

انه جيتك يا امامي ...حافيه امشي على الجدام
شايل الراية بيميني ... وابعث الروحك سلام
تحزمت وارد اصل كبرك... واحضن تراب الكرام
جيتك وجرحي اعلى فكدك... ابد ما اظنه ايتلام.
 كوم ياسيد الجنان... شلون عل غبرة تنام
وانته ابن حيدر ولينه ... وهازم احزاب اللئام
كوم شوف اشصار بينه ...من الهمج ذولة الانعام
سجون تشريد ومقابر ... قتل تفجير وحطام
ادورة نهبونه نهيبة ... وكرسي شرطوا للسلام
جيت احشم هل جفوف ... اليفتخر بيهه الحسام
 وين فزعة شبل حيدر ... يمته تنهض ياضرغام
ليش شبان ببلادي ... مطشرة جثثهم ؟ حرام
بلا ذنب غير الولاية ... ولا اثم غير الاسلام
هذا يومك يبو فاضل ... ويوم ابو اليمة الامام
انريد ثارات الضحايا ... اخذوه من اهل الظلام
انريد حقنه الضاع منا ... وفرهدوه ذولة الازلام
نريد ارض بلادي ترجع ... خير وايمان وسلام 
ترى لو ظل اعلى هل حال ... الردي وهذا الخصام
نكول للدنيا وداعا ... وعلى الاسلام السلام

اكرام حسن

الهي

                                             عتب
الهي ان كان بيدك كل عطايا الكون ... وبالغيب المفاتح انت راعيهه
ورزق مريم ان كان من العرش مقسوم ... وللنمرود نار وانت مطفيهه
ومن بطن البحر طلَّعت يونس حي ... والموسى العصى عربيد تحييهه
والهادي الحصى بايدة نطق تسبيح ... وكتابه امتلى بايات ترويهه
اريد اليوم , مو باجر ولا بعدين ... بايدك صفحة الظلّام تطويهه
تخليهه مذر وتهد قصور الزور ... تمحي اثارها من الكاع بالبيهه
وهامات اليزور واليغش ويبوك ... عاليها تخلي اليوم واطيها 
ترى صبري النفذ ما همني اليظلمون ... همني سكتتك وشلون ترضيها 
العتب مو علخسيس تمادى علصيوان ... عتبنا عللي بالمفروض يحميها 

اكرام حسن
رمضان 2019

اللهم صل على محمد وال محمد

انه چنت مدللتهم ... والدي غطني بحنانه

يگبل وتارس شليلة ... و اول اليتخير انه

ثوب وردي ولاخ بني... مطرز وتزهي الوانه

دارت الدنيا وثياب ... الحزن والحسرة غطانا

جارنا الماكل خبزنا ... غفله طب لينا وغزانا

خرّب وسلب وهدم ... باك نسوه و ذبحانه

والدي شالته الغيرة ... لبس حشدي وودعانا

منهو النا صحت بوية ... خلافك بذلّه ومهانة

صغار يابه وماكو والي ... نكعد بفية وامانة 

كال بيد اكرام انتو ... والكفل چن غزى ويانه

اجر كافلكم يبوية ... خير بالدنيا وحصانه

بجنة موعود الكفيل ... ووي ابو القاسم مكانه

سكتت والدلال يبجي... مجرب وخايف زمانه

لن ورى ايام بعلم ... ملفوف اجانا ال دللانا 

عل علم مكتوب ...

          انتو وداعة الله ...

                  والله ميضيع الامانة ...

اكرام حسن 22/05/2016  

ليس صعبا ان نتقبل قضاء الله وقدره لكن الصعب هو ان يشمت بمصيبتك الشامتون
والاصعب من ذلك ان يكون الشامت بمصابك هو اخوك الذي طالما جوعت نفسك لتطعمه واتعبت بدنك ليستريح فلما اشتد عوده وطال نابه كنت انت اول ضحاياه

                                                    صافنة وايدي اعلى خدي 
مرت سنين العمر ... مثل الفلم كدام عيني
كمت ادور بينهن ... بلكت الاكي التسلينب 
كلبت هاي اعلى ذيج ... اردود فتشت بسنيني 
ماشفت غير الالم ... كفخات للكاع اتهويني
كنت اشاكف بيدي كفخات الوكت أأأأ ياونيني 
كنت الاويها واكوم ... بحيلي وترد اتعميني
وصبرت بلكي الكريم ... يجود ولصبري ايعطيني
تالي عكب الضيم ذاكه ... وحدي وببابه اجدي 
             صافنة وايدي اعلى خدي

اكرام حسن 
رمضان 2019 

أُحِبكٓ ...يا كلّ الحب

اللهم صل على محمد وآل محمد

احبك اِلَك مو لن طالب امراد
انا و گلبي نِوِن واهٍ وويلاي 

وأمشي لخاطرك جي ظلم مذبوح
يه مرضوض الضلع لنعاك مشّاي

اجيتك بس ردت تحسبني خَدّام
واعرفك تگعد وتستقبل الجاي 

چثيرة التظن انك شارة ودموع
وايمام وابن سيد ... وبس هاي

وچثيرة البچت همها وما بچت ليك
مشت تنخاك لن حاجاتها هواي

وچثيرة ال عل منابر زور تنعاك
و بلا خضر الدفاتر الك ماجاي

لچن خدمة صدك موجودة لحسين
بوسط بيت الفقير الضاف مشّاي

أجٓلْ موكب صدك بي مايه يفور
من لگمة حلال يشربٓك الچاي

وأجٓل دمعة مُحب من گلب محروگ
من عين الشروگي تِدِر چالماي

و أجٓل ونّه الك تدري بصدر وين
بصدر اخت الشهيد الماشرب ماي

و أجٓل عبرة حزن نسمعهه لاوين
چثيرة ايتامنا الما جاهه مولاي

و أجل دين النبي لولاك ماقام
يعَرِفها الما خضع لاحزاب دنياي

و أجَل يا سيدي بسوح الوغى رجال
عَلى دربك مشوا للموت حفّاي

يعرفونك عدل هاك اگعد وشوف
شباب وللشهادة مضوا بالراي

رجال وما تهاب الموت يه حسين
عهد لألله نِطَوا ما رجعوا بهاي 

فلا ترجع امية وبينا ظل روح
وولا دين النواصب يحكم الراي

انا يه حسين شيعي وبيك مجنون
انا موتي اعلى حبك هوَّ رجواي

انا يحسين عاشگ للوفى البيك
انا متيّم بصبرك حيل بصباي

انا من شوگ روحي جيتك ارثيك
عَلى راسي اوصلك لو تعب جدماي
اكرام حسن 05/11/2014
Ekram Hassan

يا علي

 ابن ملجم ياعلي بارض العراق ... جاينه بكل حقده ويبث غدره
ووكَفت وياه الرّبع مابين خان ... وبين غلّ سنين ساكن صدره
وبين تافه كَاعد بنص برلمان ... كان خادم بَعَث خلّص عمره
وبين طامع بالكراسي وبالعقود ... وما يهمه الوطن حفروا كَبره
وبين زنبيل الدول داير مدار ... عاف اخوته وبيدة نزّل قدره

وين سيفك يا علي يرد البغاة ... يرد خوارجهه ولحاهه الكَشره
مرحَب وصفين اجونه من الحجاز ... الجَّمل من عمّان مو بالبصرة
بالشمال اجتمعوا بمسجد ضرار ... واعلنوا حرب لمحبَّي العترة
ذبحوا اشرف ناس بغضا بالشريف ... وهمَّه ولد الباغيات القذرة
وين سيفك يا علي جانه اللعين ... واحنا منتظريك تقطع نحره
اكرام حسن 17/07/2014