ولدي جاسم
اسولفلك ياجاسم يوم جنت زغير ...مدلل يالوحيد او محلى هندامك
جنت للمدرسة من اتروح اطشن ماي ...حتى الخير يجري انهار جدامك
واظل منتظرة يمته تعود يالمدلول ... وترد كلبي السكن محفظة اقلامك
واسولفلك سوالف من تريد تنام ... عن ذولة التحدوا جور ظلّامك
وعلى هل حال ياجاسم بقيت سنين ...اسولف واعد لحظاتك وايامك
صدك تكبر واشوفك يالولد عريس... وامشي بزفتك هوسات جدامك؟
ماجان اعلى بالي يوم صرت اشباب ... قصص امك يازين تصير احلامك
صرت ياابني سبع من توثب بميدان... ولاواحد تجرّى يعرقل اِقدامك
مشيت اعلى المنايا وما يردك ضيم ... وشديت الكفن والموت بحزامك
ماهمَّك سجن لا ارعبك تعذيب ... لا حبل المشانق يوم اعدامك
انا ادري لحب اهلنة نرَخّص الارواح ... وادري انك كفو ماتبخل بهامك
لجن ردتك يعيني من يمرني العيد ...تعايدني ونروح زيارة لأيمامك
ابد ماجنت اظن وادي السلام اتنام ... وتراب اللحد تتوسدة اعظامك!!!
ودارت دنيتي وظليت اطشن ماي...على ترابك اوانعى المضى من ايامك
الابيات التالية تُقرأ بصورة النعي
انا الوالدة واريد انعاك ... تمنيت اندفن هل يوم وياك
ياحلو المعاني جنت ارجاك ... تشيل جنازتي وتدفني يمناك
حسافة بهاي يبني اكطعت بيه............
No comments:
Post a Comment