شايل الراية بيميني ... وابعث الروحك سلام
تحزمت وارد اصل كَبرك... واحضن تراب الكرام
جيتك وجرحي اعلى فكدك... ابد ما اظنه ايتلام.
كوم ياسيد الجنان... شلون عل غبرة تنام
وانته ابن حيدر ولينه ... وهازم احزاب اللئام
كوم شوف اشصار بينه ...من الهمج ذولة الانعام
سجون تشريد ومقابر ... قتل تفجير وحطام
ادورة نهبونه نهيبة ... وكرسي شرطوا للسلام
جيت احشم هل جفوف ... اليفتخر بيهه الحسام
وين فزعة شبل حيدر ... يمته تنهض ياضرغام
ليش خواني وعمامي ... مطشرة جثثهم ؟ حرام
بلا ذنب غير الولاية ... ولا اثم غير الاسلام
هذا يومك يبو فاضل ... ويوم ابو اليمة الامام
انريد ثار الابرياء ... اخذوه من اهل الظلام
انريد حقنه الضاع منا ... وفرهدوه ذولة الازلام
نريد ارض بلادي ترجع ... خير وايمان وسلام
لان لو ظل اعلى هل حال ... الردي وهذا الخصام
نكول للدنيا وداعا ... وعلى الاسلام السلام
No comments:
Post a Comment