عتب
الهي ان كان بيدك كل عطايا الكون ... وبالغيب المفاتح انت راعيهه
ورزق مريم ان كان من العرش مقسوم ... وللنمرود نار وانت مطفيهه
ومن بطن البحر طلَّعت يونس حي ... والموسى العصى عربيد تحييهه
والهادي الحصى بايدة نطق تسبيح ... وكتابه امتلى بايات ترويهه
اريد اليوم , مو باجر ولا بعدين ... بايدك صفحة الظلّام تطويهه
تخليهه مذر وتهد قصور الزور ... تمحي اثارها من الكاع بالبيهه
وهامات اليزور واليغش ويبوك ... عاليها تخلي اليوم واطيها
ترى صبري النفذ ما همني اليظلمون ... همني سكتتك وشلون ترضيها
العتب مو علخسيس تمادى علصيوان ... عتبنا عللي بالمفروض يحميها
اكرام حسن
رمضان 2019
No comments:
Post a Comment