انا العراقي

صيدة ارتجالية , ردا على  جلال العادلي
الذي استخدم ابيات شعرية لي لاهانة العراقيين

يامَن يسب ب هلي ... وما يدري اصله منين
ابن الاصل مايسب ... مَن ثار بالعشرين
ومَن حرق جو وارض ...جند بكفر سركين
ومَن رفع راس العرب ... عالي بحرب تشرين
تشهد جثث جندنا ... ال بالشام مدفونين
هاي الاخوّة الصدك ... مو خوَّة اعرابين
احنه الخُلُق والشرف ... واحنه ال نعلّم الزين

ومنّا الحضارة ابتدت ... وبينا انتشر هل دين

اولاد حيدر علي ... واصحابه الطيبين

واحدنه راضع اِبا ... و رابي بحضن نفلين

ولو ما ارضنا طُهُر ... جا ما حوَت الحسين

ذولة احنه ياعاذلي ... كَللي انت اصلك مين؟

بس واضح انك غبي ... تحرَّشت بالزينين

نذل وخسيس وقذر ... يا ذيل بعثيين
 

اكرام حسن
2011